Erinnerungen an meine Kindheit 1930 - 1945

Leseprobe:
Dei Steinhobel

Keem einer von dei jungen Lüd up den' Hoff un fraachte nah Arbeid un würd instellt, würd sick mit em ierst een Spaß erlauft.
Hei würd nah einen annern Buern schickt, dei een Enn af wahnte. Dor süll hei den' Steinhobel utborgn. (So 'n Ding geef dat nich.)

Wenn hei nu secht har, wer hei wier un wat hei wull, säden dei tau em, hei süll 'n bäten täuben, sei würdn em dat Ding inpacken.
Dei güng'n in ehr Warkstäd un packten em in einen Sack olle Kammroed, Iesenstang'n, Iesenruhre, Bräder un Holtklötz in, dat hei ollich wat tau släpen har.
Denn bünn'n sei den' Sack tau un säden, dat dei Steinhobel uteinannernahmen wier, dei oewer wüßten, woans dat Ding tausamensett't würd.

Keem hei mit den Sack ansläpt, müßt hei den' "Steinhobel" utpacken.
Künn hei denn seihn, wat hei ansläpt har, un maakte noch een dummet Gesicht, würd hei utlacht.
Ümmer werrer is een up dissen "Spaß" rinfolln.

zurück